Молитва святому Архангелу Михаилу

Молитва святому Архангелу Михаилу

О Господи Боже, Великий, Царю Безначальный, пошли, Господи, Архангела Твоего Михаила на помощь рабу Твоему (имя рек), изъяти мя от враг моих видимых и невидимых!

О Господень Великий Архангеле Михаиле, излей миро благостыни на раба Твоего (имя рек).

О Господень Великий Архангеле Михаиле, демонов сокрушителю! Запрети всем врагам моим, борющимся со мною, сотвори их, яко овцы и сокруши их, яко прах пред лицем ветра.

О Господень Великий Архангеле Михаиле, шестокрылатых Первый Княже и Воеводе Небесных сил, Херувим и Серафим, и Всех Святых!

О чудный Архангеле Михаиле, хранителю неизреченных Тайн Божиих, буди ми Великий помощник во всем: в обидах, в скорбех, в печалех, в пустынях и на распутиях, на реках и на морях тихое пристанище!

Избави мя, Великий Архангеле Михаиле, от всякия прелести диавольския, всегда услыши мя грешного раба Твоего (имя рек), молящегося Тебе и призывающаго Имя Твое Святое, ускори на помощь и услыши молитву мою.

О, Великий Архангеле Михаиле! Победи вся противящаяся мне Силою Честнаго и Животворящаго Креста Господня, молитвами Пресвятыя Владычицы Богородицы и Святых Апостол, и Святителя Николая Чудотворца, Святаго Пророка Божия Илии, святаго Андрея юродиваго, святых великомучеников Никиты и Евстафия, и Святых Святителей, Преподобных, Мучеников и Всех Святых, и всех Небесных Сил. Аминь.

О, Великий Архангеле Михаиле, помози мне грешному рабу Твоему (имя), избави мя от труса, потопа, огня, меча, и от всякого зла, и от всякого врага: льстивого, от бури наносныя, и от лукавого избави мя, Великий Михаиле, Архангеле Господень, всегда, ныне и присно и во веки веков. Аминь.

Святый Архистратиже Божий Михаиле со всеми Небесными Силами, молите Бога о нас!

(Молитва сия древняя, написана на паперти Чудова монастыря в Кремле – в Церкви Михаила Архистратига.

Аще который человек будет читать во все дни сию молитву – того дня не прикоснется к нему ни диявол, ни злой человек, лестью не обольстится сердце его. Аще ли преставится от жития сего, - то и ад душу его не примет).

Молитва ко Пресвятой Богородице иеросхимонаха Сампсона («Всемилостивая»)

Всемилостивая, Владычица моя, Пресвятая Госпоже, Всепречистая Дево, Богородице Марие, Мати Божия, несумненная и единственная моя Надеждо, не гнушайся мене, не отвергай мене, не остави мене, не отступи от мене; заступи, попроси, услыши; виждь, Госпоже, помози, прости, прости, Пречистая!



О, святый преподобный отче Серафиме, моли Господа Бога о мне грешном и устрой судьбу мою по воле Божией ко спасению.

Краткая молитва болящего ко Господу

Господи, Ты видишь мою болезнь, Ты знаешь, как я грешен и немощен, помози мне терпеть и благодарить Твою благость.

Господи, сотвори, чтобы болезнь эта была в очищение множества грехов моих. Аминь.

«Всецарица» («Пантанасса»)

Молитва 1-я

«О всеблагая, досточудная Богородице, Пантанасса, Всецарица! Несмь достоин да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немощствующее тело мое. Имаши бо державу непобедимую и не изнеможет у Тебе всяк глагол, о Всецарице! Ты за мя упроси, Ты за мя умоли, да прославлю преславное имя Твое всегда, ныне и в безконечныя веки. Аминь».

Молитва 2-я

О, пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонского в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих!

Яко же птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненную Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о Всемилостивая Царице! Ум и руки врачующих нас благослави, да послужат орудием Всемощнаго Врача Христа Спаса нашего.

Яко живей Ти, сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение! Да чудотворную помощь скоро получив, прославляем Живоначальную и Нераздельную Троицу, Отца и Сына и Святаго Духа, во веки веков. Аминь.

Дата добавления: 2015-08-28; просмотров: 47 | Нарушение авторских прав

  • Расчетно-графические работы 36 страница
  • Обратная связь. Сегодня у меня за плечами двенадцать лет (прошедших со дня первой публикации
  • Должностные обязанности часового на Посту №2.
  • Аоум глава 24-я
  • Жизнеописание и песни Друкпы Кюнле 10 страница
  • КУНДАЛИНИ — СПЯЩАЯ ЗМЕЯ 3 страница
  • Система здоровья Ниши: Методика. Упражнения. Медитация 16 страница
  • ОБРАЗЕЦ РЕШЕНИЯ ИНДИВИДУАЛЬНОГО ЗАДАНИЯ. Задание 1. Составить формулу общего члена числового ряда: .
  • Исследование лингвокультурного концепта «оскорбление» в рамках социальной детерминированности языка.
  • социальной поддержки семьи и защиты семейных ценностей» на 2015 год
  • Ритуал человеческих взаимоотношений
  • Гитлер был Ротшильдом?
  • УДАРИЛ PACIFIC
  • Организация и порядок проведения
  • Когнитивно-поведенческое направление в психотерапии. 5 страница
  • Jahr lang ins Ungewisse hinab.
  • Виктория Александровна Борисова 4 страница
  • Кулачные бои
  • ДЕНИС, 22 года
  • О пользе нетрадиционных знаний